முடியும் பயணங்கள்!

மேகங்கள் தொட்டு;
பல உயரங்கள் தாண்டி;
மலையும் மரங்களும் கடந்து;
மண்ணில் தான் விழும் நேரம்;
சிறுதும் கலங்காமல்;
சிறு புன்னகையில் தரை முத்தமிட்டு;
முடியும் பயணத்தில்,
முழுதாய் தன்னை கரைத்து கொள்கிறது;
மழைத்துளி!

வேடிக்கை!

மெல்ல மெல்ல தலை அசைத்து;
சிறு சிறு மழை துளி கையில் பிடித்து;
சாரல் தெளித்து; தன்னை முழுதாய் நனைத்து;
விழும் தூரலோடு விளையாடும் இலைகள்,
சாலை பார்த்து சிரித்து கொள்கிறது;
சர்ர்ர் என்று செல்லும் வாகனத்தில்,
அழகிய இம்மழைக்கு ஒளிந்து மனிதன் விரைந்து செல்வது கண்டு!