உறக்கம் !!!!

பனியில் நனைந்த நிலவு ....பகல் வந்தும் அறியாமல் .... இன்னும் உறங்கிக்கிடகிறது .... வானை அணைத்துக்கொண்டே !!!!!

பொறுத்து போபவன் கோழையும் அல்ல .... கோபத்தில் தன்னை இழப்பவன் வீரனும் அல்ல !!!!

கண்ணீர்!!!

கண்ணீர் ........ உன்னை கரைத்து  விடவும் முடியும் .... உன்னை கரையேற்றவும் முடியும் .... தோல்வி கண்டு அஞ்சுபவன் அதில் கரைந்து போகிறான் .... தளராமல் துணிந்து நிற்பவன் கரையேற்றபடுகிறான் !!!!

மின்சாரம்!!!

மின்சாரம் இல்லாமல் மின்விளக்கும் மண்விளக்காய் மாறிவிடுமோ ???

காலைப்பனி !!!!

அதிகாலை பனிமூட்டம் ...... மீண்டும் கணவில் மிதப்பது போல் .... விடிய காத்திருக்கும் சூரியனும் உறைந்து போக .... வென்பனி சூழ்ந்து விடியலையும் விலக்க பார்க்கிறது !!!!

சிந்திப்போம் !!!

அழகுக்குள் மறைந்து விடவில்லை பெண்மை .... அறிவுக்குள்ளும்  நிறைந்து கிடக்கிறது ....அடிமை பட்டும் ஒடுங்கி விடவில்லை பெண்மை .... விடுதலைக்கு இன்னும் போராடி கொண்டே இருக்கிறது ....காமத்துக்குள் தன்னை  துலைத்து விடவில்லை பெண்மை .... காதலுக்குள் வாழ்ந்து கொண்டே இருக்கிறது ... ஆணாதிக்க சமூகத்திலும்  அழிந்து விடவில்லை பெண்மை .... முகவரி தேடி அலைந்து கொண்டே இருக்கிறது .. தலை நிமிர்ந்து நடக்க துவங்கும் பெண்மைக்கு தலை வணங்க தேவை இல்லை .... மீண்டும் தலை குனிய வைக்காமல் இருக்கலாமே .. மீண்டும் மீண்டும் பெண்மையை அழகுகுள்ளும் காமத்துகுள்ளும் அடிமை படுத்தி சிதைக்காமல்  இருக்கலாமே !!!! 

கர்வம்!!!

அழகாய் இருப்பதாய் பூக்கள் கர்வம் கொண்டாலும் .... ஆயுட் காலம் ஒரு நாள் தான் !!!

முகம்!!!

முகம் பார்க்கும் கண்ணாடியும் மறைத்துதான் வைக்கிறது மனிதனின் நிஜ முகத்தை !!!

நேசம் !!!

வண்ணம் வேறு வாசம் வேறாய் இருக்காலம் பூவுக்கு .... ஆனால் அதை ரசிக்கும் தென்றலுக்கு இரண்டுமே ஒன்றுதான் .... கோபம் வேறு அன்பு வேறாய்  இருக்கலாம் பெண்மைக்கு .... ஆனால் நேசிக்கும் இதயத்துகோ இரண்டுமே ஒன்றுதான் !!!!!!!

நம்பிக்கை

தோள் சாய துணை இருக்கலாம் .... கைகொடுக்க உறவுகள் இருக்கலாம் .... தட்டிகொடுக்க நட்புகள் இருக்கலாம் ....ஆனால் உன் வாழ்கை உன் கையில் அல்ல ...உன் நம்பிக்கையில் மட்டும்  தான் இருக்கிறது !!!!

தெளிவு

கண்ணீர் வரும் வேலையில் கண்மூடி கொள்ளாமல் .... கண் திறந்து பார் ...புதிதாய் வழிகள் பிறக்கும் .... முடிவாய் தெரிவதே ஆரம்பமாய் இருக்கலாம்!!!!